In 2004, I was diagnosed with PCOS. Polycystic Ovarian Syndrome. Maraming readings na mahahanap tungkol diyan online pero ang pinakasimpleng paliwanag ng doktor ko ay ito... Sabi niya:
Ang ovary ng babae, kada buwan nagkakapimple. Yung pimple, nahihinog. Pag nahinog ang pimple, pumuputok - yun ang ovulation. Ang nangyayari yung egg, pina-pop papunta sa lugar kung saan siya puwedeng ma-fertilize. Ikaw, hindi naipo-pop ang itlog mo. Naca-capture ng film-like cover ng ovaries mo ang fertile na egg at ginagawang cysts. Dahil salitan yan, kung mapapansin mo, 12 per ovary na ang cyst mo. Bale 24 kasi two years na.
Walang gamot sa PCOS until may sigurado ka nang course of action. Kung ayaw mo na magkaanak, papatanggal mo ovaries mo. Kung gusto mo manganak, pipila ka sa Obando - or sa mga fertlitily clinic. Mahirap, if not imposible, magkaanak sa natural na paraan ang may PCOS.
Ako, nung mga time na yun, hindi pa makapili ng gagawin dahil may isang plot pa pero saka na yung kuwento. Anyway, this year, nagkaayos na kami ni Sharksfin ng petsa na papakasal. Handa na akong gumastos sa artificial insemination pero si Sharksfin, mas may faith. Naniniwala siyang kaya namin. Kaya pinagtiyagaan (as if!) na naming makabuo ng bagets. Hindi kami puwedeng makasal ngayong taon dahil naunahan ako ng kapatid ko - sana hindi ko na lang alam ang konsepto ng Sukob dabaz. January 2009 pa kami puwedeng makasal pero nagsimula na kaming mag-honeymoon! Of cousre, walang magulang na matutuwa diyan, pasintabi na lang.
Noong nagsisimula ang August, marami akong napapansing kakaiba. Una, napapadalas ang pag wiwi ko. Pangalawa, todo ang pagka-antukin ko (oo dati na pero mas grabe pa ngayon). Pangatlo, nahuhuli ko ang sarili ko na himas nang himas sa puson. Pang-apat, nanaginip akong positive ako sa pregnancy test. Dahil dyan, humiling na naman ako kay Sharksfin na bumili ng Medic (nakakailan na kaming test). Sabi niya, may nararamdaman ba ko na meron? Sabi ko, ewan. Hindi ko na trusted ang mga nararamdaman ko pagdating sa usaping ito. Kasi naghahalo ang desire at ang reality. Ilang beses ko na inakalang meron pero wala.
Mga 4 AM, pag uwi sa Kural Reef nung nag test ako. Kinuha ko lang sa bag ni Sharksfin ang Medic kasi tulog siya. Yosi pa ko habang naginintay ng resulta. May manipis na second line. First time ko lang makakita ng ganung second line. Labas ako ng banyo, nagyoyosi si Abuelita. Mother, tingnan mo nga ito. Hithit - tingin sa kit - buga ng usok si Abuelita.
"You might be. Bili ka pa ng dalawang kit bukas." Yosi ulat.
Parang mababaliw ako sa mga kaganapan. Ginising ko si Sharksfin.
Uy tingnan mo ito.
Pupungas pungas pa ng mata si Sharksfin nung tiningnan ang kit.
Ay may baby na!?!
Kinaumagahan, bumili ulit kami ng dalawang kit. Ganun ulit ang resulta. Hindi na ako nagyoyosi this time.
Oh yes. We are!!!
Date adjusted... late na na-post eh. :-)
